• දුප්පත් ජනතාවට කඩිනමින් රුපියල් 10,000ක සහනාධාරයක් දෙන්න
    රජයේ හදිසි ඇඳිරි නීතිය පැනවීම නිසා බරපතළ සමාජ ආර්ථික අපහසුතාවලට පත්වූ ජනතාවගෙන් අපට පැමිණිලි ලැබෙමින් පවතී. ඇදිරි නීතිය පැනවිය යුත්තේ දහවල් කාලයේදීය. හැකිතාක් දුරකට මිනිසුන් ඒකරාශි වීම වැලැක්වීම එහි අරමුණයි. එසේම ආසාධිතයින් විසිරි යාම වැලැක්වීම සහ ඔවුන් හදුනාගෙන ප්‍රතිකාර සඳහා යොමු කිරීමත් එහි තවත් එක් අරමුණකි. නමුත් ඊයේ ඇදිරි නීතිය පැනවීමෙන් සිදුවූයේ මිනිසුන් එක් එක් ස්ථාන වල එක් රොක් වීමය.අත්‍යවශ්‍ය ආහාර ලබාගැනීම සදහා වෙළඳසැල් වලද, ප්‍රවාහන පහසුකම් ලබාගැනීම සදහා බස්, දුම්රිය නැවතුම් පොළවල් වලද, හදිසි මූල්‍ය අවශ්‍යතාවය නිසා රන් භාන්ඩ උගස් කරන ස්ථාන සහ බැංකු වලද දිගු පෝලිම් සහ ජනතාව ඒකරාශි වීම් දක්නට ලැබිණි. හදිසියේම බැංකු වලින් මිනිසුන් මුදල් ඉවත්කර ගැනීමට පෙළඹීම නිසා රටේ බැංකු පද්ධතියද ද්‍රවශිලතා අර්බුදයකට මුහුණ දීමට බොහෝ දුරට ඉඩකඩ ඇත. එසේම ජනතාව සතු රන් ආභරණ උගස් කිරීමෙන් ඔවුන් සතු වටිනා වත්කමක් උගස්කරුවන්ට සින්න වීමේ අවධානමක් ඇතිවී තිබේ.
    ජනතාව අනවශ්‍ය ලෙස ආර්ථිකමය වශයෙන් පීඩාවට පත් නොකොට මෙම ප්‍රශ්ණය විසදීමට නොහැකිව ඇත්තේ ත්‍රස්තවාදී යුද්ධය පරාජය කල ආකාරයට වසංගතයක් පරාජය කල හැකිය මානසිකත්වයෙන් රජය කටයුතු කරමින් සිටින නිසාය.තැනින් තැන දුප්පත් අවවරප්‍රසාදිත ජනතාවගෙන් අපවෙත ඉදිරිපත්වන දුක් ගැනවිලි පිළිබඳව සැලකිල්ලට ගනිමින්, ආහාර සහ කිරිපිටි නොමැතිව බඩගින්නේ සිටින අපේ රටේ දරුවන් පිළිබඳව සැලකිලිමත් වෙමින් අවම වශයෙන් සමෘද්ධි සහනාධාරය ලබන පවුල් වලට හෝ රුපියල් දස දහසක අවම දීමනාවක් ලබාදීමට රජය කඩිනමින් පියවර ගත යුතුය. එසේම එම මුදල් ලබාදීමේදි භාව්තා නොකල නව මුදල් නෝට්ටු හෝ නිරෝධායනය කල මුදල් නෝට්ටු ලබාදීමටද රජය පියවර ගත යුතුය. ඒ මුදල් නෝට්ටු හරහා මෙම වෛරසය වේගයෙන් සංසරණය වන බව විද්‍යාත්මකව තහවුරු කර ඇති නිසාය.කොරෝනා වෛරසය මේ වනවිට ගෝලීය වසංගතයක් බවට පත්ව ඇති අතර ලක්ෂ තුනකට ආසන්න පිරිසක් රෝගීන් බවට පත්ව එකොලොස් දහසක් පමණ මියගොස් තිබේ. මේ වනවිට යුරෝපය මෙම වෛරසයේ ප්‍රධාන වාහකයා බවට පත්ව ඇත. එහිදී විශේෂයෙන්ම ඉතාලිය, ස්පාඥඥය සහ ප්‍රංශය තුල තත්වය ඉතා දරුණුය. මේ අනුව නුදුරේදීම ලෝක ආර්ථිකයේ සිදුවන දරුණු අවපාතයට මුහුණදීම සදහා නව විකල්ප ආර්ථික ක්‍රමෝපායක් අනුගමනය කිරීමටද අප කටයුතු කල යුතුය.ආන්ඩුව මේ මොහොතේදී කොරෝනා වෛරසයට මුවාවී මැතිවරණ ව්‍යාපාරය සදහා ව්‍යවස්ථා විරෝධීව මුදල් සම්මත කරනවා වෙනුවට වහාම පාර්ලිමේන්තුව කැඳවා නීත්‍යානුකූලව මුදල් වෙන්කරවා ගැනීමට ක්‍රියාකල යුතුය. ඒ හරහා කොරෝනා අර්බුදය හේතුවෙන් දුගීබවෙන් පීඩා විදින පවුල් වලට කඩිනමින් රුපියල් දසදහසක මුදලක් එළඹෙන සදුදා දිනයේදී සමෘද්ධි නියාමකයින් සහ ප්‍රාදේශීය ලේකම් කාර්‍යාල හරහා ලබාදීමට රජය ක්‍රියාකල යුතුය.එසේ නොවුනහොත් මේ දුගීබව සහ සමාජ අසාධාරණයෙන් පීඩා විදින ජනතාව වෙළඳසැල් කොල්ල කන තත්වයක් ඇතිවීමේ ඉඩකඩක්ද පවතින බව රජය තේරුම්ගත යුතුය. එසේම යුධ මානසිකත්වයෙන් මිදී වෛද්‍යවරුන්ගේ උපදෙස් මත දිවෙන කෝවිඩ් 19 හෙවත් කොරෝනා මර්ධනය කිරීමේ වැඩසටහනකට රජය යොමුවිය යුතුය.
    • පාඨලී චම්පික රණවක
  • අපේ රටටත් ලෝකයටත්‍ සෙත්පතන රතන සූත්‍ර ස්ජ්ඣායන‍ාව – ශ්‍රී දළදා මාලිගාවේ මගුල්මඩුවේ සිට
    අපේ රටටත් ලෝකයටත්‍ සෙත්පතන රතන සූත්‍ර ස්ජ්ඣායන‍ාව - ඓතිහාසික ශ්‍රී දළදා මාලිගාවේ මගුල්මඩුවේ සිට.. The Chanting of the most powerful Rathana Sutta - 'From Magul Maduwa' of Sri Dalada Maligawa.. ආරම්භක දිනය | Start Date

    .

    අපේ රටටත් ලෝකයටත්‍ සෙත්පතන රතන සූත්‍ර ස්ජ්ඣායන‍ාව - ඓතිහාසික ශ්‍රී දළදා මාලිගාවේ මගුල්මඩුවේ සිට.. The Chanting of the most powerful Rathana Sutta - 'From Magul Maduwa' of Sri Dalada Maligawa.. දෙවන දිනය | Second Day

    .

    අපේ රටටත් ලෝකයටත්‍ සෙත්පතන රතන සූත්‍ර ස්ජ්ඣායන‍ාව - ඓතිහාසික ශ්‍රී දළදා මාලිගාවේ මගුල්මඩුවේ සිට.. The Chanting of the most powerful Rathana Sutta - 'From Magul Maduwa' of Sri Dalada Maligawa..

    .

  • “වහාම රටම නිරෝධායනය කරන්න” – පාඨලී
    කොරෝනා අර්බුදය පිළිබඳව ෆේස් බුක් ඔස්සෙ සිදුකළ විවරණය පහතින්..

ආනමඩුව විදුලි යෝජනා ක්‍රම 02 ක් ජනතා අයිතියට

telephone x 1

ආනමඩුව විදුලි යෝජනා ක්‍රම 02 ක් ජනතා අයිතියට

11027953_1556253394656173_3057057138221072767_n

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *

අපේ ගම්වල ඉන්න ඕනම දරුවෙකුට, ලෝකයේ ඕනම උසස් තැනකට යන මාවත, මේ කම්බි දිගේ ගමට එන විදුලියෙන් විවෘත වෙලා තියෙනවා. පාඨලී චම්පික රණවක විදුලිබල හා බලශක්ති අමාත්‍ය. “අපේ ලොකුම ශක්තිය දරුවන්ගේ අධ්‍යාපනය. එදා අපිට විදුලිය තිබුණේ නැහැ. අපි කුප්පි ලාම්පුවෙන් ඉගෙන ගත්තේ. අපේ දරුවෝ කුප්පි ලාම්පුව නැතිව, විදුලි ආලෝකයෙන් ඉගෙන ගෙන උසස් තැන් වලට එනවට අපි ආසයි. අපේ ගම්වල අයට හැමදාම කුඹුරු කොටන්න, ගස් ගෙඩි කඩන්න ඕන නැහැ. අපේ දරුවන්ට හොඳ අනාගතයක් තියෙනවා. ඒකට අවශ්‍ය පසුබිම දැන් සකස් වෙලා. ඕනම කෙනෙකුට දැන් මේ රටේ ජනාධිපති ධූරයට පත්වෙන්න පුළුවන් කියලා මෛත්‍රිපාල සිරිසේන මහත්තයා ඔප්පු කරලා පෙන්නුවා. මේ අපේ ගම්වල ඉන්න ඕනම දරුවෙකුට, ලෝකයේ ඕනම උසස් තැනකට යන මාවත, මේ කම්බි දිගේ ගමට එන විදුලියෙන් විවෘත වෙලා තියෙනවා ” යැයි විදුලිබල හා බලශක්ති අමාත්‍ය, පාඨලී චම්පික රණවක මහතා පැවසීය. ඒ මහතා මේ අදහස් පළකළේ, පසුගියදා පුත්තලම දිස්ත්‍රික්කයේ, ආනමඩුව ආසනයේ පැවති විදුලි යෝජනා ක්‍රම 02 ක් ජනතා අයිතියට පත්කිරීමේ අවස්ථාවට එක්වෙමිනි.

එහිදී වැඩිදුරටත් අදහස් දැක්වූ අමාත්‍ය රණවක මහතා, “2010 මම විදුලිබල ඇමති විදිහට වැඩ භාරගන්නකොට, අපේ ආණ්ඩුව සැලසුම් කරලා තිබුණේ, 2018 දී 100%ක් විදුලිය දෙන්න .අපි ඒක කඩිනම් ව්‍යාපෘතියක් කළා 2012 දි සැමට විදුලිය කියලා. ඉරාණ ආධාර වලින් තමයි මේක කරන්න හැදුවේ. නමුත් ඉරාණයට සම්බාධක පැනවීමෙන් ඒක කරගන්න බැරිවුණා. මේ වසරේ විදුලිය ලබදෙන්නේ ලංවිම අරමුදල් වලින්. රජයේ ණයක්, සහනයක් ලැබෙන්නේ නැහැ. වයඹ පළාතේ මේ වෙද්දි 98% ක් විදුලිය ලබාදීලා තිබෙනවා. දැන් ඉතිරි වෙලා තියෙන්නේ දුෂ්කරම ප්‍රදේශ. අපි අතීතයේ අනුගමනය කළ ප්‍රතිපත්තිය තමයි එක නිවසකට රු. ලක්ෂ 2ක ට වඩා වැය වෙනවානම්, ඒවා පස්සට දාන්න. නමුත් දැන් අපි ඒ ක්‍රමය වෙනස් කරලා සැමටම විදුලිය ලබාදෙනවා. මේ හල්මිල්ලමැන්ඩිය විදුලි ව්‍යාපෘතිය යටතේ එක නිවසකට විදුලිය දෙන්න, රු. 440,000.00 ක් වැය කරලා තිබෙනවා. ඔබට නොයෙක් සහනාධාර රජයෙන් ලැබිලා ඇති. සමෘද්ධි, පොහොර, ජලය වගේ. නමුත් එක පවුලකට කවදාකවත් රු. 440,000 ක සහනාධාරයක් ලැබිලා නැතිව ඇති. ඒක විශාල මුදලක්. ඒ නිසා අපි ඔබගෙන් බලාපොරොත්තු වෙනවා එක දෙයක්. ගමකට විදුලිය ලැබුණම ඒ ගම් වැසියෝ එක දේකට පෙළඹෙනවා. ඒ තමයි නොයෙක් ප්‍රචාරණ වලට, පෙළඹවීම් වලට නතුවෙලා, ණය වෙලා හරි විදුලි උපකරණ ගෙදර ගොඩගහගන්නවා. විදුලිය දෙන්න කලින් ලංවිම නිලධාරීන් පෙනෙන්නේ දෙවිවරු වගේ. නමුත් ගෙදර බඩුමුට්ටු ගොඩගහගත්තම, ලොකු ලයිට් බිලක් එද්දි, ඒ ලංවිම දෙවිවරු යක්ෂයෝ වගේ පේනවා. ඉතින් මම මේ ජනතාවගෙන් ඉල්ලා සිටින්නේ. විදුලිය ලැබුණට ගෙදර විදුලි උපකරණ ගොඩගහගන්නේ නැතිව, විදුලිය අත්‍යාවශ්‍ය දේවලට පමණක් භාවිතා කරන්න කියලා මම ඉල්ලා සිටිනවා. ඒ වගේම පුංචි පුංචි කර්මාන්ත වලටත් මේ විදුලියෙන් ලැබෙන්නේ මහත් සහනයක්. ශක්තියක්. ඒ සහනය, ශක්තිය යොදාගෙන තමන්ගේ ආර්ථිකය දියුණු කරගන්න. පෙට්ටිකඩේ ග්‍රොසරියක් කරගන්න, ග්‍රොසරිය සුපර් මාකට් එකක් කරගන්න. එහෙම නැතිව රූපවාහිනය ඉදිරිපිට වාඩිවෙලා, අනවශ්‍ය දේවලට කාලය නාස්ති කරගන්න එපා. මේ කම්බි හරහා ගමට එන විදුලියෙන් උපරිම ප්‍රයෝජන ගන්න. අපි හැමදේම කරන්නේ දරුවෝ වෙනුවෙන්. ඒ නිසා ඔවුන්ගේ අධ්‍යාපනයට විදුලිය යොදා ගන්න, ඒ වගේම තමන්ගේ ආර්ථිකය ශක්තිමත් කරන්න ව්‍යාපාර වලට විදුලිය යොදා ගන්න. විදුලිය අරපිරිමැස්මෙන් පාවිච්චි කරලා ඔබත් දිනන රටත් දිනන තත්ත්වයෙකට පත්වෙන්න. ඒ වගේම නීතිවිරෝධි ලෙස විදුලිය ලබාගන්නෙපා. විදුලි අනතුරු වලින් පරෙස්සම් වෙන්න. මේක භයානක බලශක්තියක්. ඒ නිසා ඉතාමත් පරෙස්සමින් පාවිච්චි කරලා, ඔබ සියලු දෙනාම ඔබේ දරුවන්ගේ මෙන්ම ඔබගේ ජීවිත ආලෝකමත් කරගන්න, ලෝකයම ජයගන්න, විදුලිය සම්පතක් කරගන්න කියා මා ඉල්ලා සිටිනවා” යැයි පැවසීය. මෙම අවස්ථාවට ප්‍රෙදේශයේ දේශපාලනාධිකාරිය ඇතුළු විශාල පිරිසක් එක්වි සිටියහ.

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *